فيسبوكيون امطالبين بلهروب من انتخابات لعدو بالمناطق المحتلة.

سابك ايام معدودة من الانتخابات الي احضر الها المخزن الي عادلو اشهر و ماهو باخل اعليها شي من قد صرف اموال خيالية ما يصورها الذهن و خاصة ف المناطق الصحراوية الخاضعة تحت سلطة الاحتلال المغربي.

و من بين ابرز الاحزاب الي داخلة هاذي لنتيخابات صحراويين فالاصل امال حد كامل ادخل العاب المحتل من اجل اغراضو الشخصية و طمعو ف فالرفاه و صايدو الطمع ف موائد لعدو, و يستعملو الاعراف القبلية و المحسوبية و الرشوة من اجل اكانهم يطلعو لبرلمان احدير الدرجة.

ايوا بالتازمن مع هاذي لنتيخابات طلقو فيسبوكيين صحراويين مناضلين و نشطاء حملة اطالبو فيها جميع الصحراويين بالابتعاد عن هاذي المهزلة الي يسعى من خلالها لزرع الفتنة بين الصحراويين و تشتيتهم و الاهم من ذا كامل عنهم اشرعنو احتلالهم فالمنطقة و انعتو للعالم عن الصحراء الغربية تابعة لهم.

و ارانا امطالبين الجميع بدعم هاذي الحملة و من كل الصحراويين الغيورين على وطنهم و عرضهم عنهم ينضمو اليها و احسو بخطورت هاذي الانتخابات.

عن : موقع المصير الثقافي